Киевнинг «Динамо» клуби бош мураббийи Мирча Луческу Украина чемпионати доирасида «Шахтёр» (0:3) клубидан қабул қилиб олинган мағлубият ҳақида фикр билдирди.
«Бугун COVID-19 ғалаба қозонди. Бу менинг фикрим. Мен бундай қийин вазиятда бундай муҳим учрашувларни ўтказмаган бўлардим. Такрорлайман, мен бундай ўйинда қатнашмас эдим.
Чемпионат ўйинларида майдондаги баҳсни жамоалар ҳал қилиши керак, коронавирус эмас. Мен айтмоқчи бўлган нарса шу», — деди Мирча Луческу.
Қайд этиш керакки, «Шахтёр» клубига қарши ўйиндан олдин «Динамо» таркибида ҳақиқатдан ҳам коронавирусга чалинган футболчилар кўп эди.
