Франциянинг «ПСЖ» клуби спорт директори Леонардонинг фикрига қараганда, клуб раҳбарияти жамоа бош мураббийи Томас Тухелни қўллаб-қувватлайди.
«Клубнинг позицияси шуки, биз ҳар доим ўз бош мураббийимизни қўллаб-қувватлаймиз. Биз баъзи баҳсли фикрларни муҳокама қилдик, лекин бу бизнинг ички сиримиз саналади. Бугунги кунда бош мураббийни алмаштириш ҳақида ўйламаяпмиз», — деди Леонардо.
Аввалроқ, Килиан Мбаппе ва Неймарлар Томас Тухелнинг истеъфога чиқарилишини талаб қилаётганлиги ҳақида хабарлар тарқалганди.
