"Милан" ярим ҳимоячи Хоқон Чалханоглу билан янги шартнома имзолашга ҳаракат қилмоқда.
Хабар қилинишича, туркиялик ярим ҳимоячи "россонерилар"дан маошини сезиларли даражада оширилишини талаб қилмоқда. Амалдаги келишувга кўра, футболчи мавсум учун 2,5 миллион евро олади, аммо Чалханоглу йилига 5 миллион евро маош олишни истамоқда.
Қайд этилишича, "Милан" футболчи билан яна бир қатор музокаралар олиб боради. Милан клуби Чалханоглу мавсумда 3,5 миллион евро маош билан янги шартнома имзолашга рози бўлишига ишонмоқда.
Олдинроқ туркиялик ярим ҳимоячи "Манчестер Юнайтед"га ўтиши мумкинлиги ҳақида хабарлар тарқалганди.
