«Реал» сардори Серхио Рамос фаолиятини «ПСЖ»да давом эттирмайди. Бу ҳақда "Marca" нашри хабар тарқатди.
Аввалроқ парижликлар ҳимоячига йиллик маоши 16,8 миллион евро еврога тенг 3 йиллик шартнома таклиф қилаётгани ҳақида маълумот тарқатилган эди.
Манбага кўра, "Пари Сен-Жермен" ҳозирда Рамос билан шартнома имзолаш ҳақида бош қотирмаяпти. 34 ёшли футболчининг маош борасида талаби клубга маъқул эмас.
«ПСЖ»нинг асосий мақсади ҳужумчи Килиан Мбаппе билан шартномани узайтириш бўлиб турибди. Франциялик футболчининг парижликлар билан шартномаси 2022 йилнинг июнь ойида якунига етади.