"Кононирлар" футболчиси Сеад Колашинацда коронавирус борлиги аниқланди. 

Ҳимоячи касалликни терма жамоалар йиғини пайтида юқтириб олгани айтилмоқда. У Босния таркибида Миллатлар лигаси доирасидаги Нидерландияга қарши баҳсни тўлиқ майдонда ўтказган эди. Лекин учрашув якунлангач, унинг топширган тести мусбат натижа берди ва у ҳозир шахсий изоляция жараёнида. Сеад терма жамоанинг бугун бўлиб ўтадиган Италияга қарши ўйинини ўтказиб юбориши билан бирга "Лидс" билан учрашувда ҳам майдонга тушиши сўроқ остида турибди. 

Бундан аввалроқ, клубнинг бошқа бир аъзоси Муҳаммад Элненида хам коронавирус аниқланганлиги тўғрисида хабар берган эдик.