Англиянинг "Манчестер Юнайтед" клуби бош мураббийи Оле-Гуннар Сульшер жамоа ҳимоячиси Люк Шоу ва ярим ҳимоячи Поль Погбаларнинг ҳозирги ҳолати ҳақида фикр билдирди.

— Умид қиламизки, Погба бугун "Истамбул"га қарши бўладиган учрашувда майдонга туша олади. Поль кеча машғулотларда иштирок этди, кўрамиз бугун шифокорлар қандай фикр билдираркин. Люк Шоу ҳақида гапирадиган бўлсам, менинг унинг бир ойдан кейин майдонга қайтишига умид қилгандим, бироқ футболчи қайта жароҳат олганда таваккалчиликка қўл урмаслик керак. У ҳали жамоанинг умумий машғулотларига қайтмади. Кўрамиз, у тикланиш жараёнига қандай муносабатда бўларкин. Умид қиламанки, у тўрт ҳафтадан кейин сафга қайтади, лекин шифокорлар уни олти ҳафтадан кейин сафга қайтиш эҳтимоли борлигини айтишмоқда, - деди Сульшер Sky Sports билан суҳбатда.