Каталониянинг «Барселона» клуби собиқ президенти Жоан Лапорта яна ушбу лавозимга ўз номзодини қўйишга қарор қилди.
Лапорта душанба куни ўз дастури ва жамоасини тақдим қилади. Жамоа таркибига Лапорта билан 2010 йили бирга ишлаган директорлар кенгаши аъзолари киради.
Лапорта «Барселона» президентлиги учун сайловларда тўртинча маротаба иштирок этмоқда. 2003 йилги сайловларда ғалаба қозонганди, 2006 эса номзодларнинг етишмаслиги сабабли, ўз лавозимида ишлашни давом эттирганди, 2015 йилги сайловларда эса Жозеп Бартомеуга мағлуб бўлганди.
Лапорта «Барселона» президенти лавозимлигида 2003 йилдан 2010 йилгача ишлаган. Шу вақт мобайнида 4 марта Ла Лига, икки марта ЕЧЛ, умумий эса 12 та совринни қўлга киритди.
