Англиянинг «Ливерпуль» клуби бош мураббийи Юрген Клопп жароҳат олиб узоқ муддат сафдан чиққан Вирджил ван Дейк ҳақида фикр билдирди.
«Тўғрисини айтганда, унинг тиззасида ижобий ўзгариш рўй бермаяпти. Лекин, бундан ажабланиш керак эмас, чунки у яқинда операция қилинди. Операция қилинганига кўп вақт бўлмади, одатда бундай операциядан кейин футболчининг тезроқ тикланишига умид қилмаслик керак.
Биз Вирджил билан мунтазам алоқадамиз. Барчаси яхши бўлишига шубҳа қилмайман. У — ҳақиқий жангчи», — деди Юрген Клопп.
Эслатиб ўтамиз, ван Дейк "Эвертон" дарвозабони Жордан Пикфорд билан тўқнашиб кетганидан сўнг узоқ муддатга сафдан чиққанди.
