Франциянинг "Марсель" ва Испаниянинг "Атлетико" клублари ўртасидаги ўртоқлик учрашуви якунланди. Марселдаги "Оранж Велодром" стадионида ўтган баҳсда меҳмонлар 2:1 ҳисобида ғалаба қозонди.
Биринчи бўлим ўрталарида "Марсель" ҳужумчиси Игор Пайшао ҳисобни очди. 39-дақиқада "Атлетико" ярим ҳимоячиси Родриго Мендоса мувозанатни тиклади.
78-дақиқада эса мадридликлар ҳужумчиси Карлос Мартин гол уриб, "Атлетико"ни олдинга олиб чиқди. Қолган вақтда ҳисоб ўзгармади ва учрашув 2:1 натижаси билан якунланди.
"Атлетико" ҳужумчиси Хулиан Альварес мазкур учрашув қайдномасига киритилмади.
Испания чемпионатининг янги мавсуми 1-турида "Атлетико" 19 август куни "Малага"га қарши майдонга тушади. "Марсель" эса Лига 1нинг 1-турида 21 август куни "Страсбург" билан баҳс олиб боради.
