«Реал» Европа чемпионлар лигаси гуруҳ босқичининг 5-тури доирасида Украинада "Шахтёр" меҳмони бўлиб, имкониятни бой берди (0:2).
Мазкур мағлубият туфайли Зидан жамоасининг гуруҳдаги аҳволи қийинлашиб қолди. "В" гуруҳидаги вазият қуйидагича:
| № | Жамоа | Ўйин | Ютуқ | Дуранг | Мағ-т | Т-Н | Очко |
|---|---|---|---|---|---|---|---|
| 1 | Боруссия М. | 5 | 2 | 2 | 1 | 16-7 | 8 |
| 2 | Шахтёр | 5 | 2 | 1 | 2 | 5-12 | 7 |
| 3 | Реал Мадрид | 5 | 2 | 1 | 2 | 9-9 | 7 |
| 4 | Интер | 5 | 1 | 2 | 2 | 7-9 | 5 |
"Мадрид" "Шахтёр"га қарши ҳар икки ўйинда ютқазгани учун очколар тенг бўлганига қарамай, украиналиклардан ортда қолишмоқда. Сўнгги турда тўқнаш келадилар:
9 декабрь, чоршанба
"Реал Мадрид" - "Боруссия Мёнхенгладбах"
"Интер" - "Шахтёр"
1) "Қироллик клуби" сўнгги турда "Боруссия М"ни мағлуб этса, ўз очколарини 10тага етказади ва ЕЧЛ плей-офф босқичи йўлланмасини қўлга киритади.
2) "Реал" сўнгги турда дуранг ўйнаса, жамоа тақдири параллел кечадиган "Интер" - "Шахтёр" учрашувида қандай натижа қайд этилишига боғлиқ бўлиб қолади. Демак, сўнгги турда дуранг ўйнаса, жамоанинг очколари 8тага етади. Параллел ўйинда:
a) "Интер" ғалаба қозонса, "нерадзурри" ўз очколарини 8тага етказади. Ўзаро ўйинга кўра, "қаймоқранглилар" гуруҳда 2-ўринни қўлга киритишади.
b) "Шахтёр" ғалаба қозонса, ўз очколарини 10тага етказиб, "Реал"ни ЕЧЛ плей-офф босқичи йўлланмасидан маҳрум қилади. Зидан шогирдлари Европа лигасига йўл олади.
c) "Интер" - "Шахтёр" ўйини дуранг билан тугаса, "нерадзурри" ЕЧЛ билан хайрлашади. "Реал" ва "кончилар"нинг очколари 8тани ташкил қилади. Ўзаро ўйинга кўра "Шахтёр" устунликка эга бўлади. "Мадрид" эса ўз иштирокини Европа лигасида давом эттиради.
3) "Реал" 6-турда мағлубиятга учраса, нариги ўйинда қандай натижа қайд этилишидан қатъи назар, жамоа Европа лигасида иштирок этишга мажбур бўлади.
Демак, "Реал Мадрид" Чемпионлар лигаси нимчорак финал босқичига чиқиш учун 2та вариант мавжуд:
A) Жамоа "Боруссия Мёнхенгладбах"ни мағлуб этиши шарт ёки
B) "Боруссия Мёнхенгладбах" билан дуранг ўйнаб, "Интер"нинг ғалабасига умид қилиши керак.
Қолган барча ҳолатларда "Реал" Европа лигаси плей-офф босқичига йўл олади.
