"Реал" бош мураббийи Зайниддин Зидан бугун матбуот анжуманида иштирок этиб, унинг шаънига бўлаётган танқидлар ҳақида ўз фикрини билдирди.

"Ғалаба қозонмасанг, сени танқид қилишлари — нормал ҳолат. Танқидлар менинг ўйинчилар ва ҳар кунлик иш ҳақидаги фикрларимга таъсир кўрсатмайди. Албатта, қийинчиликлар мавжуд. Аммо биз ҳеч нарсага қарамасдан ишлашда давом этамиз.

Ҳозир мураккаб вазият, аммо ўтган мавсумда ҳам қийинчиликларга дуч келгандик. Ҳозир эса янада қийинроқ. Лекин мен бу ҳақида ўйлашни истамайман. Мен ижобий фикрдаман. Вазиятни ўнглаш учун бизда вақт бор.

Мен "Реал"да ўзимни на ўйинчи сифатида, на мураббий сифатида дахлсиз деб ҳис қилмаганман. Ҳеч қачон. Маълум сабабларга кўра мен бу ердаман ва клубдаги сўнгги кунимга қадар шу билан яшайман", - деди Зидан.