Лондоннинг «Арсенал» клуби ёзда Франциянинг «Сент-Этьен» ҳимоячиси Вильям Салибани Европанинг энг иқтидорли футболчиларидан бири сифатида ўз сафига қўшиб олганди. Ушбу трансфер учун лондонликлар 30 миллион фунт ҳам сарф қилишганди.
Бироқ, футболчи "Арсенал" клубига кўчиб ўтганидан бери, ҳали бирор маротаба ҳам АПЛ доирасидаги учрашувларда майдонга тушмади. Ҳаттоки, уни Европа Лигаси учун рўйхатдан ҳам ўтказишмади.
Англия матбуотининг ёзишига қараганда, «Арсенал» Салибани январь ойида ижарага бериб юбориш вариантини кўриб чиқмоқда. Лондонликлар футболчи Чемпионшипга кўчиб ўтишини хоҳламоқда. Уларнинг фикрича, футболчига Британия футболидаги қийин ўйин тажрибаси етишмаяпти. Ўз навбатида, Салиба ҳам унга бўлаётган муносабатни тушунмаяпти ва Франция чемпионатига қайтиб кетишга қарши эмаслигини яширмаяпти.
