«Краснодар»га қарши баҳс олдидан Френк Лемпард жамоасида бир қатор йўқотишлар борлиги маълум бўлмоқда.

Жамоа яримҳимоячиси Ҳаким Зиеш жароҳати сабаб учрашувни ўтказиб юбориши кутилмоқда. Бундан аввалроқ эса ҳужумчи Каллум Ҳудсон Одойининг ҳам жароҳат олгани айтилган эди. Бу ҳақда клуб матбуот хизмати хабар тарқатди.

Зиеш «Лидс»га қарши ўйинда жароҳат олиб алмаштирилган эди. Хабарларга кўра у энди яқин ҳафталар оралиғида жамоасига ёрдам бера олмайди.

Маълумот учун, Зиеш жароҳати билан Англияга кўчиб ўтганди ва дебютини «Соутгемптон»га қарши амалга оширган. У шу пайтгача «аристократлар» сафида 7 та учрашувда майдонга тушиб, 1 та гол уриб, 3 та голга ассист берган.