Москванинг «Спартак» клуби директорлар кенгаши аъзоси, клуб хўжайини Леонид Федуннинг укаси Андрей Федун бош директор Шамил Газизовнинг истеъфоси ҳақида фикр билдирди.
«Газизов кетдими? Хабарим йўқ. Эълон қилишдими, демак, тўғри. Мен клубнинг ишлари билан шуғулланмайман. Унинг кетишидан ҳайрон бўлдимми? Йўқ, менга жамоанинг қандай футбол ўйнаши қизиқ, қолган ишлар мени қизиқтирмайди. Мен қурилиш ишлари билан шуғулланаман, футбол билан эмас», - деди Андрей Федун.
Қўшимча ўрнида шуни айтиш керакки, Шамиль Газизов «Спартак» бош директори лавозимида атиги беш ой ишлади ва шу вақт мобайнида жамоага ҳамюртимиз Остон Ўруновни "Уфа" клубидан олиб ўтди.
