Каталониянинг «Барселона» клуби бош мураббийи Роналд Куман ЕЧЛ доирасида «Ювентус» клубидан қабул қилиб олинган мағлубият ҳақидаги фикрлари билан ўртоқлашди.

«Мағлубият учрашувнинг дастлабки 25 дақиқасини натижаси бўлди. Ўйинни қўрқув билан ёмон бошладик, жасорат етишмади. Худди ўйинни назорат қилиш учун эмас, мағлубиятга учрамаслик мақсадида майдонга тушгандек ўйнадик.

Ҳимояда яхши ўйнамадик, биринчи ярим соатликда биз мағлубиятга учрадик. Биз одатий савиямизда ўйнамадик. Аммо Чемпионлар Лигасидаги формамиз яхши эди.

Агар улар Роналду пенальти белгилашган бўлса, у ҳолда Месси билан боғлиқ вазиятда ҳам пенальти бор эди. Лекин мағлубиятга ўзимизнинг хатоларимиз сабаб учрадик. Дастлабки ярим соатда ўйинимиз чиқмади. Биз «Ювентус»га қарши ўйингача яхши кўринаётгандик. Бу биз учун дарс бўлади. Рақиб ўйинга яхши кайфиятда ташриф буюрди.

Ўйинчи алмаштиришлар? Мен ўз футболчиларимизни сақлашни хоҳлайман. Тақвим жуда зич», – деди Куман.