Мадриднинг «Реал» клуби бош мураббий Зинедин Зидан «Барселона» устози Рональд Куманнинг ҳакамлар борасида гапирган гапларига ўз муносабатини билдирди.
«Бу мени ғазаблантиради, чунки мен ҳеч қачон ҳакамлар масаласида гапирмайман. Ҳакамлар учрашувнинг бир қисми ҳисобланишади, улар ҳам гоҳида ҳақ бўлишади, гоҳида ноҳақ. Футболчиларда ҳам шундай. Мен ҳеч қачон ҳакамларнинг ишларига аралашмайман. Куманнинг сўзларини муҳокама қилиш ниятида эмасман, менинг барча эътиборим эртанги ўйинга қаратилган», - Зиданнинг сўзларидан иқтибос келтирмоқа elespanol.
Эслатиб ўтамиз, Куман «Реал» ҳамда «Эйбар» жамоалари ўртасидаги ўйинни бошқарган ҳакамни танқид қилганди. Нидерландиялик мутахассиснинг фикрича, ҳакам ўйиннинг сўнгги дақиқаларида «қаймоқранглилар» дарвозасига пенальти белгиламаган.