АПЛнинг 15-тур доирасида "Арсенал" ҳамда "Челси" (3:1) клублари "Лондон дербиси"да ўзаро баҳс олиб борди. Микель Артета шогирдлари ўзларининг 55 кунлик "ғалабаси серияси"га барҳам беришди.
«Эмирейтс»да бўлиб ўтган учрашувнинг сўнгги дақиқаларида "Арсенал" посбони Бернд Лено «Челси» ярим ҳимоячиси Жоржиньонинг пенальтидан берган зарбасини қайтарди.
Squawka порталининг тарқатган маълумотига қараганда, германиялик посбон Жоржиньонинг 11 метрли нуқтадан йўллаган зарбасини қайтарган АПЛдаги иккинчи дарвозабонга айланди. Сентябрь ойида «Ливерпуль» посбони Алиссон бу ишни амалга оширган эди.
