АПЛнинг 16-туридан ўрин олган «Эвертон» — «Манчестер Сити» учрашуви белгиланган вақтда бўлиб ўтмайди.
"Манчестер Сити" расмий сайтида маълум қилинишича, коронавирусга чалиниш янги ҳолатлари аниқланмаслиги учун жамоа қатъий карантин чораларини қўллаган. Икки жамоа ва лига ўзаро келишган ҳолда баҳсни қолдириш қарорига келган.
25 декабрь куни «Манчестер Сити» жамоа ҳужумчиси Габриэль Жезус, ҳимоячи Кайл Уокер ҳамда клубнинг яна икки ходимида инфекция аниқланганди.
Эслатиб ўтамиз, мазкур учрашув Тошкент вақти билан 28 декабрдан 29 декабрга ўтар кечаси 01:00 да бошланиши режалаштирилганди.
