Каталониянинг «Барселона» клуби қишки трансфер бозорида тўрт нафар футболчиси билан хайрлашмоқчи. Бу ҳақда Испания матбуоти хабар тарқатмоқда.
Хуниор Фирпо, Рики Пуч, Карлес Аленья ва Самюэль Умтитилар мураббийлар штабининг режаларига киритилмаяпти. Эслатиб ўтамиз, Умтитининг хизматига «Ювентус» қизиқиш билдирганди, бироқ франциялик ҳимоячи «блаугранаслар» таркибида қолиш ниятида эканлигини билдирди.
«Барселона» ушбу футболчиларнинг трансферидан тушадиган маблағларни Мемфис Депай, Жорджиньо Вейналдум ва Эрик Гарсияларни харид қилишга йўналтирмоқчи.
