Лондоннинг «Арсенал» клуби бош мураббийи Микель Артета АПЛ доирасида «Брайтон» устидан қўлга киритилган муҳим ғалаба ҳақидаги фикрлари билан ўртоқлашди.
«Бизда натижа билан боғлиқ муаммо борлигини билардик. «Челси» устидан ғалаба қозонганимиз бизга катта туртки бўлди. Бу ерга ташриф буюриб навбатдаги уч очкони қўлга киритиш жуда муҳим эди.
Йигитларим билан фахрланаман ва натижа учун жуда хурсандман. Ляказетт айни пайтда жуда яхши формада. Унинг ўзига бўлган ишончи жуда юқори.
Баъзи жиҳатларда кўп ҳам таҳдид қила олмадик. Иккинчи бўлимда ўзимизга бўлган ишонч анча юқори эди ва ижобий ўйин намойиш этдик.
Энг яхши малҳам - бу ғалаба. АПЛдаги кетма-кет икки ғалабадан кейин сурат анча яхши кўринмоқда.
Баъзи пайтларда азият чекдим, лекин атрофимда жуда яхши инсонлар бор», - деди Артета Amazon Prime билан суҳбатда.