Испаниянинг «Эйбар» клуби ҳужумчиси Кике Гарсия «Барселона» клубига қарши бўлиб ўтган ўйиндан кейинги фикрларини билдирди. Айнан Кике "Барселона" дарвозасига гол киритиб, ўйинда ҳисобни очганди.

«Месси етишмадими? У барча замоннинг энг яхши футболчиси. Месси бизга ҳар доим 3-4 та гол урарди. Бугун унинг етишмагани ҳайрон қоларли нарса эмас. Умид қиламанки, у «Барселона»да узоқ йил тўп суради.

Гол киритилган вазиятда «Барселона»нинг хатоси? Ўйлайманки, «Эйбар» прессинг уюштиришини барча билади. Тўп менга келиб тушди ва мен дарвозабон билан бирга-бир вазиятга чиқиб бордик», – деди Гарсия.