Бугун UFC президенти Дэна Уайт интервью берди ва Ҳабиб Нурмагомедовни яна спортга қайтариш режаси ҳақида гапирди.
“Мен унинг қайтишига ишонаман. Гетжини нима қилиб ташлаганини кўринг, ҳар бир рақибини қай аҳволга солганини эсланг. У қайтиши зарур. Биз кейинги ҳафта Абу Дабида учрашамиз. Ана шу учрашувда уни қайтишга кўндириш учун қўлимдан келган барча имкониятлардан фойдаланаман”.
Ҳабиб энг доминант чемпион, P4P вазндан қатъий назар энг кучли жангчи бўлиш билан бирга, UFC учун энг даромадли ҳамкорга айланганди. Шу сабаб Дэна Уайт бор кучи билан Нурмагомедовга босим қилиши табиий. Ҳамма гап Хабибда, аниқроғи унинг онаси розилик беришида.
