Италия А Сериясининг 18-турида «Лацио» ва «Рома» жамоалари 15 январь, жума куни ўзаро баҳсга киришди.

Учрашувнинг 14-дақиқасида Чиро Иммобиле майдон эгаларини олдинга олиб чиқди. Орадан кўп ўтмай Луис Альберто жамоасининг иккинчи голини урди. 67-дақиқада Альберто дублни қайд этган ҳолда, ҳисобни йирик кўринишга келтирди.

Кетма-кет учинчи ғалабасини қўлга киритган «Лацио» 31 очко билан 7-ўринга кўтарилди. «Рома» (34) ҳозирча 3-поғонада бормоқда.

«Рома» кейинги турда «Специя»га қарши баҳс олиб борса, «Лацио» жамоаси «Сассуоло»ни меҳмон қилади.

А Серия, 18-тур
15 январь, жума
«Лацио» — «Рома» 3:0
Голлар: 1:0 – 14 Иммобиле, 2:0 – 23 Луис Альберто, 3:0 – 67 Луис Альберто.
«Лацио»: Рейна, Раду (Ҳудт, 83), Луис Фелипе (Габаррон, 69), Ачерби, Лаццари, Луис Альберто, Марушич, Милинкович-Савич, Лейва (Эскаланте, 65), Иммобиле (Мурики, 83), Кайседо (Акпа-Акпро, 66).
«Рома»: Лопес, Спинаццола (Бруно Перес, 71), Смоллинг, Манчини (Майораль, 71), Карсдорп, Мхитарян, Верету (Педро, 46), Пеллегрини, Вильяр (Кристанте, 60), Рожер, Жеко.
Огоҳлантиришлар: Милинкович-Савич (11), Раду (20), Манчини (33), Ачерби (45), Смоллинг (60), Луис Фелипе (62), Лейва (63), Педро (71), Мхитарян (90).