Мадрид клуби бош мураббий Диего Симеоненинг жамоада амалга ошираёттган ишларидан қониқиш ҳосил қилмоқда ва уни бошқа клубга қўйиб юбормоқчи эмас.

АS хабарига кўра «матрасчилар» раҳбарияти аргентиналик мутахассис билан амалдаги шартномани 2024 йилгача узайтиришни режалаштирган. Бироқ пандемия сабабли маош масаласида аввалги суммага ўзгартириш киритилмайди.

Эслатиб ўтамиз, Симеоненинг «Атлетико» билан амалдаги шартномаси келаси мавсум охирида якунига етади. 2011 йилда жамоа бош постига қабул қилинган мураббий бу орада жами 7 та соврин ютишга эришган.