Англиянинг «Манчестер Сити» бош мураббийи Пеп Гвардиола 1-турнинг қолдирилган учрашуви доирасида «Астон Вилла» (2:0) жамоасига қарши бўлиб ўтган учрашувдан кейинги фикрлари билан ўртоқлашди.

«Яна бир ажойиб жамоага қарши яхши ўйин намойиш этдик. Улар жуда хавфли рақиб эди, сабабли, уларнинг жорий мавсумдаги натижаларига эътибор қаратинг. Жуда муҳим ғалабани қўлга киритдик.

Учрашув бошида гол киритишимиз қийин бўлди. Иккинчи бўлимда биз янада тажовузкорроқ ўйин намойиш этдик.

Биринчи гол киритган вазиятимизни кўрмадим. Эҳтимолий офсайд борасида рақиб эътироз қилди, лекин мен ҳеч нарсани кўрмай қолдим.

ВАР бор-ку?! Бу ерда қайси қоидадан фойдаланиш кераклигин, вазият қандай эканлигини билмайман, аммо, ҳакамлар барчасини таҳлил қилишганига шубҳам йўқ.

Жорий мавсум ҳеч бир жамоада АПЛда кетма-кет 5-6 ўйинда ғалаба қозона олмаяпти, лекин чемпионатнинг эндигина биринчи ярми якунланмоқда. Олдинда кўплаб учрашувлар турибди, лекин энг асосийси – биз ўзимизни яхши ҳис қиляпмиз», – деди Гвардиола BT Sport билан суҳбатда.