Angliyaning «Manchester Siti» bosh murabbiyi Pep Gvardiola 1-turning qoldirilgan uchrashuvi doirasida «Aston Villa» (2:0) jamoasiga qarshi bo‘lib o‘tgan uchrashuvdan keyingi fikrlari bilan o‘rtoqlashdi.

«Yana bir ajoyib jamoaga qarshi yaxshi o‘yin namoyish etdik. Ular juda xavfli raqib edi, sababli, ularning joriy mavsumdagi natijalariga e’tibor qarating. Juda muhim g‘alabani qo‘lga kiritdik.

Uchrashuv boshida gol kiritishimiz qiyin bo‘ldi. Ikkinchi bo‘limda biz yanada tajovuzkorroq o‘yin namoyish etdik.

Birinchi gol kiritgan vaziyatimizni ko‘rmadim. Ehtimoliy ofsayd borasida raqib e’tiroz qildi, lekin men hech narsani ko‘rmay qoldim.

VAR bor-ku?! Bu yerda qaysi qoidadan foydalanish kerakligin, vaziyat qanday ekanligini bilmayman, ammo, hakamlar barchasini tahlil qilishganiga shubham yo‘q.

Joriy mavsum hech bir jamoada APLda ketma-ket 5-6 o‘yinda g‘alaba qozona olmayapti, lekin chempionatning endigina birinchi yarmi yakunlanmoqda. Oldinda ko‘plab uchrashuvlar turibdi, lekin eng asosiysi – biz o‘zimizni yaxshi his qilyapmiz», – dedi Gvardiola BT Sport bilan suhbatda.