Туриннинг «Ювентус» клуби бош мураббийи Андреа Пирло Италия суперкубоги финали доирасидаги «Наполи» устидан қозонилган ғалаба (2:0) ҳақида гапирди.

«Бу - менинг мутахассис сифатида ютган дастлабки кубогим. Албатта бунинг эйфориясини футболчи бўлиб ҳис қилиш қийин. Иккаласи икки хил туйғу.

Бу каби иккала жамоа ҳам бирдек устунликка эга бўладиган финалларни камдан кам кузатганман. Буюк жамоани бошқараётганимдан фахрланаман.

Ортимда катта армия турганини доим ҳис қилиб тураман. "Ювентус" мағлубиятга учрайдиган жамоа эмас.

Албатта, Гаттузо учун хафаман. У билан биргаликда авваллари жуда кўп титуллар ютганмиз. Бироқ ўзим ва шогирдларим учун хурсандман. Омад ҳам биз томонда бўлди», - дея Пирлонинг сўзларидан иқтибос келтиради Football Italia.