Японияга қарши 29 февралда бўлиб ўтадиган ЖЧ-2014 III саралаш босқичининг сўнгги, 6-тур учрашувидан аввал миллий терма жамоамиз Осиёнинг яна бир гранд жамоаси — Жанубий Корея билан беллашадиган бўлди.
Бу ҳақда ЎФФ расмий "Твиттер"ида қуйидагича хабар чиқди: "Ўзбекистон миллий терма жамоаси 25 февраль куни Корея Республикасида Корея терма жамоаси билан ўртоклик учрашувини ўтказадиган бўлди".
ЎФФ матбуот хизмати бошлиғи Санжар Ризаевнинг "Твиттер"ига кўра: "Ўзбекистон терма жамоаси билан 25 февраль куни ўртоклик учрашувини ўтказиш буйича ЎФФга Жанубий Корея Футбол уюшмасининг ўзи мурожаат билан чиққан".
29 февраль куни Жанубий Кореяни Кувайтга қарши сўнгги 6-тур учрашувида камида дуранг қониқтиради. Мабодо меҳмонлар Кувайт терма жамоаси ғалаба қозонгудек бўлса, Жанубий Корея учун ЖЧ-2014 эшиклари шу куниёқ ёпилади. Шу сабабли кореяликлар имкон қадар кучлироқ спарринг-рақиб топиш ҳаракатини қилишганга ўхшаяпти.
