«Реал» устози Зинедин Зидан Ла Лига доирасида «Уэска» (2:1) устидан қўлга киритилган ғалаба ҳақидаги фикрлари билан ўртоқлашди.
«Жамоанинг кўрсатган ўйинидан қониқдим. Нафақат ғалабадан, балки, ҳимоя ва иродадан ҳам қониқиш ҳосил қилдим. Бугун ўйинимизни кучайтиришимиз ва ютишимиз шарт эди. Жуда муҳим ғалаба.
Рамоснинг операция қилинганини қўшиб ҳисоблаганда, таркибимизда етти ёки саккиз нафар футболчи йўқ. Бу ўзимизни оқлаш эмас, факт. Футболчилар тезроқ сафга қайтишларини хоҳлаймиз.
Жамоа Ла Лига чемпионлиги учун курашади, ҳеч қачон қўлимизни туширмаймиз. Қолаверса, қийин даврларда. Охиригача курашамиз. Ҳозир иккинчи ўриндамиз ва бундан кўпроғини хоҳлаймиз.
Мен Рамосга хабар юбордим. Операция муваффақиятли ўтганини биламан. У эртадан тикланиш жараёнини бошлайди», – деди Зидан.