"Барселона" ҳужумчиси Лионель Месси Испаниянинг Marca нашрига берган интервьюсида фаолиятини Каталония клубида якунламоқчи эканлиги, жаҳон чемпиони бўлиш истагидалиги ҳамда Гвардиола билан муносабатлари ҳақида сўзлаб берди.
"Мен жаҳоннинг энг яхши жамоасида тўп сурмоқдаман. "Барселона" мендан чарчамагунича мен шу ерда бўламан. Умид қиламанки, "Барса" мендан ҳеч қачон чарчамайди. Мен шу ерда вояга етдим. Мен "Барселона" одамиман", деди аргентиналик футболчи.
"24 ёшдаман. Бундай олиб қараса, мен фаолиятимни энди бошлаяпман. Мен Ди Стефано, Пеле, Марадона каби буюк чемпионларни жуда ҳурмат қиламан. Нимага эришганим ҳақида эса фақатгина фаолиятимни якунлаганимдан сўнг гапириш мумкин", деди "Барселона" ҳужумчиси.
"Ди Стефано - буюк футболчи, аммо у жаҳон чемпиони бўлмаган. Аргентина ушбу чўққини забт этиши учун мен қўлимдан келганини қиламан. Терма жамоамизда фантастик ўйинчилар бор. Биз жаҳон чемпионлигини қўлга кирита оламиз", деди Месси.
"Гвардиола "Барселона" исталган бошқа одамлан яхшироқ билади. Бошида у футболчиларга тўп олиб келиб бериб турган, кейин эса "Барселона"да ўйнаган, энди эса унга мураббийлик қилмоқда. Гвардиола нима қилиш кераклигини ҳар доим билади. У ҳар бир футболчининг кўнглига йўл топа олади. Мураббий бизни ақлбовар қилмас даражада иштиёққа тўлдиради. У билан ишлаш мен учун жуда ҳамқ қулай", деди "Барселона" ҳужумчиси Лионель Месси.
Маълумот учун, Лионель Месси ушбу мавсум Испания чемпионатида 16 учрашувда майдонга тушиб, 17 та гол уришга муваффақ бўлган.
