ФИФА президенти Зепп Блаттер италиялик ҳимоячи Симоне Фаринани тақдирлашга қарор қилди. Бу ҳақда Италия нашрлари хабар беришмоқда.
Италия "В" Сериясида иштирок этувчи "Губбио" клуби ҳимоячиси ҳисобланган Симоне Фарина Италия Кубогидан ўрин олган "Чезена"га қарши келишилган учрашувда қатнашишдан бош тортиб, бу ҳақда полицияга ўзи хабар бергани учун ФИФА мукофоти билан тақдирланадиган бўлди.
Футболчини айтишича, ўйинни бой беришлари учун унга 200 минг евро таклиф қилишган. Италия нашрлари хабарига кўра, Фарина 9 январь куни "Олтин тўп"га бағишланган тантанали маросимда тақдирланади.
Эслатиб ўтамиз, Италия футбол федерацияси ҳам 29 ёшли футболчининг жасоратини эътиборсиз қолдирмай, уни миллий терма жамоанинг бўлажак йиғинига таклиф қилган.