Италиялик журналист ва инсайдер Жанлука Ди Марцио «Женоа» нима учун Элдор Шомуродовни тезлик билан «Ростов»дан сотиб олганига ойдинлик киритди.

«Шомуродов ҳақида мендан сўрашмаган. Аммо Шомуродов Генуяга келганида, мен «Женоа»нинг ўша пайтдаги спорт директори Даниэле Фажанога қўнғироқ қилдим. У эса менга Шомуродов жуда кучли ўйинчи эканини айтди.

Шуни айтишим мумкинки, ушбу трансфер яширинча амалга оширилди. «Женоа» президенти Прециози ўша пайтда Балотелли билан шартнома имзолашни истаганди. Аммо спорт директори ва мураббийни Мариони исташмади.

Фажано ва клуб бош мураббийи Маран — ҳозир ҳар иккиси клубда ишламаяпти. Чунки Прециози ҳар ҳафта бўлса ҳам ходимларни истеъфога чиқаришга тайёр. У эса Балотелли олиб келмоқчи бўлди.

Ўшанда Маран Фажанога: «Бошқа ўйинчи топишимиз керак. Мен танимайдиган ўйинчи бўлса ҳам Балотеллининг ўрнига бошқасини топ. Мен Марио билан ишлашни истамайман", деди.

Фажано эса агент Габриэле Жуффрид билан бирга мураббийга Шомуродовни кўрсатишди. Маран: «Окей, окей», деди. Чунки президент Балотеллини сотиб олмасидан аввал Шомуродовни қўлга киритиш керак эди.

Элдор кучли футболчига қарамай, унинг "Женоа"га ўтишида Балотелли билан боғлиқ воқеа ёрдам бериб юборди. Трансфер эса зудлик билан амалга оширилди. Ўйлашимча, бу воқеадан кўпчиликнинг хабари йўқ эди», — деди Ди Марцио россиялик журналист Нобель Арустмаянга берган интервьюсида.