Italiyalik jurnalist va insayder Janluka Di Marsio «Jenoa» nima uchun Eldor Shomurodovni tezlik bilan «Rostov»dan sotib olganiga oydinlik kiritdi.

«Shomurodov haqida mendan so‘rashmagan. Ammo Shomurodov Genuyaga kelganida, men «Jenoa»ning o‘sha paytdagi sport direktori Daniele Fajanoga qo‘ng‘iroq qildim. U esa menga Shomurodov juda kuchli o‘yinchi ekanini aytdi.

Shuni aytishim mumkinki, ushbu transfer yashirincha amalga oshirildi. «Jenoa» prezidenti Presiozi o‘sha paytda Balotelli bilan shartnoma imzolashni istagandi. Ammo sport direktori va murabbiyni Marioni istashmadi.

Fajano va klub bosh murabbiyi Maran — hozir har ikkisi klubda ishlamayapti. Chunki Presiozi har hafta bo‘lsa ham xodimlarni iste’foga chiqarishga tayyor. U esa Balotelli olib kelmoqchi bo‘ldi.

O‘shanda Maran Fajanoga: «Boshqa o‘yinchi topishimiz kerak. Men tanimaydigan o‘yinchi bo‘lsa ham Balotellining o‘rniga boshqasini top. Men Mario bilan ishlashni istamayman", dedi.

Fajano esa agent Gabriele Juffrid bilan birga murabbiyga Shomurodovni ko‘rsatishdi. Maran: «Okey, okey», dedi. Chunki prezident Balotellini sotib olmasidan avval Shomurodovni qo‘lga kiritish kerak edi.

Eldor kuchli futbolchiga qaramay, uning "Jenoa"ga o‘tishida Balotelli bilan bog‘liq voqea yordam berib yubordi. Transfer esa zudlik bilan amalga oshirildi. O‘ylashimcha, bu voqeadan ko‘pchilikning xabari yo‘q edi», — dedi Di Marsio rossiyalik jurnalist Nobel Arustmayanga bergan intervyusida.