Париж жамоаси агар Килиан Мбаппени сотувга қўйса, у учун камида 200 миллион эвро талаб қилади. Франциялик футболчи янги жамоага ўтишга мойил, аммо уни фақат тўртта клуб, «Реал», «Ливерпуль», «Манчестер Сити» ва «Ювентус» сотиб олиши мумкин.

Қироллик клуби раҳбарияти парижликларга 2022 йилга қадар 150 миллион евро тўлашга қодир. Олдинроқ «Реал» Мбаппени сотиб олиш стратегиясини ишлаб чиққанлиги, унда бирданига бир нечта футболчисининг сотилишини назарда тутилгани ҳақида хабар берилган эди.

Мбаппе 2017 йилда «Монако»дан «ПСЖ»га 145 миллион евро эвазига кўчиб ўтган.

Ёш футболчи, жорий мавсум Франция чемпионатининг 29 учрашувида иштирок этиб, 21 гол урди ва 9 голга узатма амалга оширди.