Parij jamoasi agar Kilian Mbappeni sotuvga qo‘ysa, u uchun kamida 200 million evro talab qiladi. Fransiyalik futbolchi yangi jamoaga o‘tishga moyil, ammo uni faqat to‘rtta klub, «Real», «Liverpul», «Manchester Siti» va «Yuventus» sotib olishi mumkin.
Qirollik klubi rahbariyati parijliklarga 2022 yilga qadar 150 million yevro to‘lashga qodir. Oldinroq «Real» Mbappeni sotib olish strategiyasini ishlab chiqqanligi, unda birdaniga bir nechta futbolchisining sotilishini nazarda tutilgani haqida xabar berilgan edi.
Mbappe 2017 yilda «Monako»dan «PSJ»ga 145 million yevro evaziga ko‘chib o‘tgan.
Yosh futbolchi, joriy mavsum Fransiya chempionatining 29 uchrashuvida ishtirok etib, 21 gol urdi va 9 golga uzatma amalga oshirdi.
