«ПСЖ» раҳбарияти «Бавария» ҳимоячиси Давид Алабага ҳамон қизиқиш билдирмоқда.
Журналист Марк Билефельд тарқатган хабарга кўра, парижликлар президенти Носсир ал-Ҳелайфий австриялик футболчи билан учрашув ўтказди. Эслатиб ўтамиз, Алабанинг клуб билан шартномаси 2021 йилнинг ёзида якунига етади.
«Бавария» раҳбарияти Давид билан шартномани узайтиришга ҳаракат қилди, аммо томонлар келиша олишмади. Алаба 16 февраль куни ёзда жамоани тарк этишини расман эълон қилди.
Давид Алаба жорий мавсумда 21та баҳсда майдонга тушиб, 2та гол урди.