Чемпионлар лигаси 1/8 финал босқичи дастлабки учрашувларидан ўрин олган баҳсда “Бавария“ “Лацио“ майдонида йирик 4:1 ҳисобида ғалаба қозонмоқда.
Ушбу ўйиннинг тўққизинчи дақиқасида рақиб футболчиси Матео Мусаккьонинг римликлар дарвозабони Хосе Рейнага ноаниқ узатмасидан унумли фойдаланган Левандовски ўз голи билан ҳисобни очди.
Ушбу гол полякнинг ЕЧЛда киритган 72-голи сифатида қайд этилди ва ушбу кўрсатгич билан у “Реал“ хамда “Шальке“ жамоалари собиқ футболчиси Раулни ортда қолдириб Чемпионлар лигасида энг кўп гол урган учунчи футболчига айланди. Бу борада Левандовски 134та гол урган Роналду ҳамда 119та гол урган Мессидан ортда қолмоқда.
