Хабарингиз бор, бугун Наманган шаҳридаги “Марказий” ўйингоҳнинг захира майдонида “Навбаҳор” ва “Андижон” жамоалари ўртасида ўртоқлик ўйини ўтказилди (2:0).

Водий жамоалари ўртасидаги баҳслар қандай учрашув бўлишидан қатъий назар, доимо муросасиз ҳамда кескин курашлар остида кечган.

Баҳснинг биринчи бўлимида ҳар икки жамоа аъзолари, шунингдек, мураббийлар ўртасида ҳам келишмовчилик юз берди. Ўша вазият хусусида “Навбаҳор” бош мураббийи Нўъмон Ҳасанов қуйидагича фикр билдирди:

- Тўғриси, кўпинча ўйин пайтида ҳиссиётларни жиловлаш осон бўлмайди.“Андижон” билан бўлган бугунги учрашув пайтида ҳам худди шундай ҳолат кузатилди ва андижонликлар устози Отабек Ғуломхўжаев билан бироз тортишув юзага келди. Аммо танаффус пайтида Отабек Ғуломхўжаевга узримни етказдим. Ўша вазиятда ўзимни тутиб туролмаганим учун яна бир маротаба Отабек Ғуломхўжаев, шунингдек, “Навбаҳор” ва “Андижон” жамоалари мухлисларидан ҳам узр сўрайман.

“Навбаҳор” ПФК матбуот хизмати.