"Рома" президенти Жеймс Паллотта жамоани ривожлантириш режалари ҳақида сўзлаб берди, дея хабар бермоқда клуб расмий сайти.
"Тотти ва Де Росси — "Рома" тимсолларидир, шунинг учун ҳам биз уларни клубда сақлаб қолмоқчимиз. Менинг нуқтаи назарим бўйича, улар — "Рома"нинг ўзи", деди Паллотта.
"Мен Италияда кўп бўлганман. Отам римлик, онам эса Барида туғилган. Мен ўзимни америкаликдан ҳам кўра кўпроқ италиялик деб ҳисоблайман. Бостонга қайтиб борганимдан сўнг, мен бу ерда кўрганларим ҳақид у ердаги инвесторларга сўзлаб бераман. Жамоада бўлаётган ўзгаришлар билан танишиш учун уларни бу ерга таклиф қиламан. Ушбу лавозимни эгаллашда менга омад кулиб боқди, деб ҳисоблайман", деди "Рома" президенти.
"Мен учун бу қандайдир ўзига хос иш қилиш имкониятидир, мен жамоани жаҳоннинг энг яхши клублари қаторига олиб чиқмоқчиман. Агар ҳаммаси жойида бўлса, бу нарса инвесторларнинг режасига ўзгартириш киритмайди. Бизда бир қатор режалар бор. Хусусан, бизгача ҳеч ким клуб брендини юрғизиш билан шуғулланмаган. Клуб номининг оммалашуви учун биз ёзда Америкага турнега борамиз", дея қўшимча қилди "Рома" президенти Жеймс Паллотта клуб расмий сайтига берган интервьюсида.