Ла Лига 30-тури марказий беллашувида "Атлетико" ўз майдонида "Барселона"ни қабул қилади.
Мазкур баҳсда мезбонлар сафида Пабло Барриос, Жонни Кардосо ва Марк Пубилл жароҳат сабаб иштирок этмайди. Маркос Льоренте дисквалификация қилинган. Шунингдек, Родриго Мендоса, Ян Облак ва Александр Сёрлотнинг иштироки сўроқ остида.
"Кўк-анорранглилар" сафида Андреас Кристенсен, Рафинья ва Френки де Йонгда жароҳат бор.
Мазкур учрашув бугун тунги соат 00:00 да старт олади.













