Бугун, 4 апрель куни Англия Кубоги чорак финали доирасида «Манчестер Сити» «Ливерпуль»га қарши баҳс олиб боради. Бўлажак учрашув ҳақида «шаҳарликлар» бош мураббийи Хосеп Гвардиола ўз фикрларини билдирди.
Испаниялик мутахассис унинг жамоаси барча Англия турнирларида барқарор ва яхши натижалар кўрсатиб келаётганини таъкидлади.
«Бизда яна бир ақл бовар қилмас натижага эришиш имконияти бор — кетма-кет саккиз марта [Англия Кубоги] ярим финалига чиқиш. Бунақаси илгари ҳеч қачон содир бўлмаган. Бу жуда нуфузли турнир. Биз учун алоҳида аҳамиятга эга бўлган рақибга қарши яна бир ўйин. Умид қиламанки, мухлислар бизга ярим финалга йўл олишимизда ёрдам беришади», — деди мураббий.
Англия Премьер-лигаси турнир жадвалида «Манчестер Сити» иккинчи ўринни эгаллаб турибди ва пешқадам «Арсенал»дан 9 очкога ортда қолмоқда.
