Лондоннинг «Челси» клуби ярим ҳимоячиси Энцо Фернандес Мадриднинг «Реал» клубига ўтиши мумкин. Бу ҳақда Diario SPORT нашри хабар бермоқда.

Манбанинг маълумотларига кўра, «Челси» аргентиналик футболчи борасидаги ўз позициясини ўзгартирган ва эндиликда «Реал» билан музокаралар олиб боришга тайёр. Таъкидланишича, «кўклар» ярим ҳимоячини 100 миллион еврога яқин суммага сотиб юборишлари мумкин.

Эслатиб ўтамиз, аввалроқ Фернандес Мадридга кўчиб ўтишни исташи ҳақида баёнот берган эди. Ушбу сўзлари туфайли «Челси» раҳбарияти футболчини иккита ўйинга четлатиш ҳақида қарор қабул қилганди.

Жорий мавсумда 25 ёшли хавбек барча турнирларда 46 та учрашувда майдонга тушиб, 12 та гол урди ва 6 та голли узатмани амалга оширди. Футболчининг клуб билан шартномаси 2032 йилгача мўлжалланган.