Миланнинг "Интер" клуби ҳужумчиси Диего Милито жамоани тарк этмоқчи эмас. Бу ҳақда "Rai" хабар бермоқда.
"Мен ўз келажагимни "Интер"да кўрмоқдаман. Клуб билан ҳали яна икки йиллик шартномам бор. Бу жамоа сафида эканлигимдан жуда хурсандман, бу ерда ҳамма нарса ёқади. Ҳали ҳам ушбу жамоа либосида совринларни қўлга киритишни хоҳлайман", деди аргентиналик футболчи.
"Дерби ҳар доим ўзига хос алоҳида ўйин бўлган. Биз ушбу ўйинда ғалаба қозониб, мавсум бошидаги қийинчиликларни хотирадан ўчиришга ҳаракат қиламиз", деди "Интер" ҳужумчиси Диего Милито.
Милито ушбу мавсум "Интер" сафида 13 учрашувда майдонга тушиб, 6 та гол уришга муваффақ бўлди.
