Европанинг нуфуз жиҳатдан ажралиб турувчи 5та чемпионати барчамизга малум бўлса керак. Ҳозир кучли бешликнинг энг сермаҳсул футболчилари билан таништириб ўтамиз.
ХХ аср ўрталарида фаолият юритган италиялик ҳужумчи Сильвио Пиола "А" Серияда энг кўп гол ўрган футболчи ҳисобланади. У Италиянинг "Ювентус", "Торино", "Лацио" ва "Верчели" каби клубларида тўп сўрган. Футболчи ички чемпионат доирасида 274та гол урган ва бу натижани ҳамон ҳеч ким янгилай олмаяпти.
Италиялик яна бир футболчи энг яхши тўпурар сифатида тарихда қолган, фақат Францияда. Делио Оннис Лига 1 тарихидаги энг яхши голеадор ҳисобланади. Мазкур футболчи "Реймс", "Монако", "Тур" ва "Тулун" жамоаларида тўп сурган ва 299 та гол билан рақобатчиларидан олдинда бормоқда.
Бундеслигада энг кўп гол урган футболчи Герд Мюллер саналади. Германиялик ТСВ 1861 ва "Бавария" клубларидаги фаолияти давомида 365та урган ва у бу борада Германия чемпионатида тенгсиз.
Премьер-Лига тарихидаги энг яхши тўпарар бу Алан Ширер ҳисобланади. Афсонавий футболчи "Блэкберн Роверс" ва "Ньюкасл Юнайтед" сафида тўп суриб, умумий 260та гол урган. Шунингдек, англиялик 3 марта АПЛ олтин бутсаси соҳиби бўлган (1995,1996,1997).
Ла Лига тарихида энг яхши тўпурар ҳам энг яхши ассистент ҳам Лионель Месси. Биз уни бемалол бу мусобақанинг қироли десак бўлади. Месси ҳозиргача "Барселона" сафида бу турнирда 463та гол урди ва бу натижа ҳали кўпайиши эхтимоли катта. Бу борада унга яқин вақтлар ичида яқинлашиб олиш имконияти эса жуда паст. Чунки энг яқин таъқибчиси Роналду 311 та гол урган ва у ҳозир "А" Серияда ҳаракат қилмоқда.
Худайқулов КАРИМ.
