Пайшанбадан жумага ўтар кечаси Испания кубоги нимчорак финалининг иккита жавоб учрашуви ниҳояланди.
Бильбаонинг "Атлетик" клуби 4 январь куни дастлабки ўйинда "Альбасете" майдонида голсиз дуранг имзолаб қайтганди. Жавоб учрашувида меҳмонларга мутлақо имконият қолдирилмади – 4:0.
Бошланғич таркибда Месси, Хави, Иньеста, Пуйол, Фабрегас ва Валдессиз ҳаракат қилган "Барселона" эса "Осасуна"га мағлуб бўла туриб, учрашувни барибир ўз фойдасига ҳал қилишга муваффақ бўлди – 1:2. Саналганларнинг фақт биринчиси 58-дақиқада жавоб тўпи муаллифи Алексис Санчез ўрнига майдонга тушди. Эслатиб ўтамиз, "Камп Ноу"да бўлиб ўтган биринчи учрашувда "Барселона" 4:0 ҳисобда ғалаба қозонган эди.
ИСПАНИЯ КУБОГИ. 1/8 ФИНАЛ. ЖАВОБ УЧРАШУВЛАРИ
АЛТЕТИК БИЛЬБАО – АЛЬБАСЕТЕ 4:0 (1:0)
Голлар: Сусаэта (24), Андер Эррера (65), Токуэро (77), Сан Хосе (86)
ОСАСУНА – БАРСЕЛОНА 1:2 (1:0)
Голлар: Деян Лекич (41) – Алексис Санчез (49), Сержи Роберто (72)
Испания кубогида чорак финал жуфтликларининг ҳаммаси маълум бўлди. Илк учрашувлар қуйида келтирилган жуфтликлардан биринчи ёзилган жамоаларнинг майдонида 18 январда, жавоб учрашувлари эса 25 январда бўлиб ўтади:
ЭСПАНЬОЛ – МИРАНДЕС
МАЛЬОРКА – АТЛЕТИК БИЛЬБАО
РЕАЛ МАДРИД – БАРСЕЛОНА
ВАЛЕНСИЯ – ЛЕВАНТЕ
