"Манчестер Юнайтед" бош мураббийи сэр Алекс Фергюсон "Ньюкасл"нинг "ыизил иблислар" ярим ҳимоячиси Равел Моррисон трансфери борасидаги таклифига рад жавоби берилганини маълум қилди.
Шартномаси 2012 йилнинг ёзида ниҳоясига етадиган 18 ёшли истедодли футболчи, кетиш борасида "МЮ"га ўз шартларини қўйган. Бу шартлар эса клубни қониқтирмаган.
"Биз "Ньюкасл"нинг таклифини рад этдик. Агенти Моррисон бошқа клубга ўтиши учун роса ҳаракат қилди. Биз Моррисонга янги шартнома таклиф қилдик. У кўнмади. Унинг шартлари эса реальликка ҳеч ҳам мос келмайди. Шунинг учун биз таклифни рад этишга мажбур бўлдик", — дея таъкидлади Фергюсон.
