Италия футбол ассоциацияси 2019/20 йилги мавсум якунлари бўйича турли номинацияларда ғолиблар номини эълон қилди.

Унга кўра «Ювентус» ҳужумчиси Криштиану Роналду мавсумнинг энг яхши ўйинчиси деб топилди. Португалиялик ҳужумчи А Сериянинг 2019/20 йилги мавсумида 33 ўйин ўтказиб, 31 та гол ва 6 та голли узатмага муаллифлик қилганди.

Қолган номинациялар ғолиблари қуйидагича:

Энг яхши мураббий: Жан Пьер Гасперини («Аталанта»).

Энг яхши жамоа: «Аталанта».

Энг яхши ҳакам: Даниэле Орсато.

Йилнинг энг яхши аёл футболчиси: Кристиана Жирелли («Ювентус»).

Мавсумнинг рамзий терма жамоаси:

Дарвозабон: Жанлуижи Доннарумма («Милан»);

Ҳимоячилар: Робин Гозенс («Аталанта»), Стефан де Врей («Интер»), Леонардо Бонуччи («Ювентус»), Тео Эрнандес («Милан»);

Ярим ҳимоячилар: Николо Барелла («Интер»), Папу Гомес («Аталанта»), Луис Альберто («Лацио»);

Ҳужумчилар: Пауло Дибала («Ювентус»), Чиро Иммобиле («Лацио»), Криштиану Роналду («Ювентус»).