Кеча Германия Бундеслигасининг навбатдаги тури доирасида «Бавария» «Штутгарт» устидан йирик ҳисобда ғалаба қозонганидан хабарингиз бор (4:0).

Ушбу учрашувда мюнхенликлар ҳужумчиси Роберт Левандовски хет-трик қайд этди. Бу билан полшалик футболчи ўзининг жорий мавсум барча мусобақалардаги голлари сонини 42 тага етказиб олди. У бунинг учун 36 та ўйинда майдонга тушган. Қизиқ томони, Роберт кетма-кет 6 мавсумдан бери 40+ голлар уришнинг уддасидан чиқиб келмоқда. У 2015/16 йилги мавсумда 42 та, 2016/17 йилги масумда 43 та, 2017/2018 йилги мавсумда 41 та, 2018/19 йилги мавсумда 40 та, 2019/20 йилги мавсумда эса 55 гол уришга муваффақ бўлган.

Эслатиб ўтамиз, Левандовскининг Бундеслигадаги голлари сони ҳозирнинг ўзидаёқ 36 тага етган. У бир мавсум давомида энг кўп гол урган Герд Мюллернинг рекордини янгилашга анча яқин (40).