Кеча "ЖЧ 2022"га саралаш босқичи доирасида Хорватия терма жамоаси Словенияга қарши баҳс олиб борди ва минимал, 1:0 ҳисобида мағлубиятга учради.
Словенияликларнинг ягона голи 15-дақиқада Санди Ловриc томонидан киритилди. Ушбу ўйинда яримҳимоячи Лука Модрич ўзининг терма жамоадаги 134-учрашувини ўтказди ва 2016 йилда фаолиятини якунлаган рекордчи Дарио Срнага етиб олди.
Кейинги ўринларда Стипе Плетикоса(114), Иван Ракитич(106) Йосип Шимунич(105), Ивица Олич(104) ҳамда Ведран Чорлука(103)лар жойлашишган.
Маълумот ўрнида, Хорватия ва Словениядан ташқари Россия, Словакия, Кипр ва Мальта терма жамоалари "H" гуруҳида жой олган. Хорватларнинг навбатдаги учрашуви эса 27 март куни ўз уйида Кипрга қарши бўлиб ўтади.