"Байер" яримҳимоячиси Мусса Диаби "Реал" қизиқиш доирасига тушиб қолди.
Испан грандининг скаутлари 21 ёшли ярим ҳимоячининг ўйинига юқори баҳо беришган. У чап оёқ бўлтшига қарамай, ҳар қандай ҳужум қанотларида ўйнаши мумкин.
«Қироллик клуби» 21 ёшгача бўлган Европа чемпионатида французнинг ўйини билан танишмоқчи эди, аммо футболчи коронавирус билан касалланиб, жамоа қароргоҳини тарк этди.
Ушбу турнирда "қаймоқранглилар" асосий эътиборини "Севилья" ҳимоячиси Жюле Кунде ва "Ренн" яримҳимоячиси Эдуардо Камавенгага қаратадилар.
Диабини Мадриддан ташқари "МЮ" ва "Бавария" ҳам кузатмоқда. Ўтган йили футболчига "Боруссия Дортмунд" ва "Арсенал" даъвогарлик қилган эди. "Байер" футболчини 40 миллион еврога баҳолаган.
Диаби ушбу мавсумда Бундеслиганинг 24 ўйинида майдонга тушди ва у 3 гол уриб, 7 голга узатма амалга оширди.
